🥺「伙記，凍檸茶多冰少甜吖💁‍♀️。大夫，我最近腎虧！成日去尿尿😫！」
👨‍⚕️「小編，其實你明唔明乜嘢係腎虧呢？」
🤔「阿媽話成日尿尿咪係囉！」
👨‍⚕️「🙈⋯⋯你千祈唔好話識我，你成日去廁所其實可能只係同你杯凍檸茶有關」

係，「腎虧」係男人專用嘅，女人叫「腎虛」就得啦，唔使好似男人咁，加重語氣用「虧」呢個字。

以下內容只供成年男子觀看，敬請留意！

腎虧呢個狀態，理論上只會喺中老年後先至出現。但係因為文化差異，喺唔同嘅地方或者唔同生活習慣嘅人，會有機會提早出現。

廢話就唔多講啦，究竟有啲乜嘢症狀呢？

1）小便唔夠力。
準備屙尿嗰陣時，要醞釀多一陣間，先至可以開始。
屙到最後，會比之前滴多陣，先至屙完。

2）性慾減弱

3）晨勃次數越來越少。

4）性行為前，需要比較長時間才能完全勃起。

5）性行為的持久力改變。單純腎虧的人，有機會發覺性行為的持久力加長了。但是如果是腎虧加上陰虛火旺，就好有可能變成早洩。

驟眼睇，腎虧嘅症狀，都包括偏向針對男性泌尿同埋生殖系統，其實係因為中國嘅歷史文化裏，這方面嘅問題受到男士高度關注。但其實腎虧仲可以係甩頭髮，腰酸軟，容易疲勞等等。

既然有需求，當然就會做就中醫在這方面嘅治療技術發展，中藥有許多方劑都有些溫腎助陽，填補腎精的作用，可以從根源上進行治療。大家可能會自行去購買一些壯陽嘅藥物，但大家要小心，方濟係講求搭配平衡，單壯陽藥物，可能會加速「腎」消耗，短暫嘅功力提升過後可能會令到病情進一步惡化，一定要謹慎使用，最好還是徵詢醫師的意見。

如果你年紀仲輕，只要平衡好工作、性生活及休息，症狀會慢慢舒緩。但係如果你「人在江湖，身不由己」，或者已經年過40 ，可能都要尋求醫療協助啦。