1.什麼是結構治療?

 

         結構治療係由台灣著名中西醫師林兩傳老師所創立嘅一種治療方法。林老師在台灣推行結構治療方法多年，為中醫的治療提供一仲條透新路徑，當老師開始向世界各地推廣，我們有幸在早期便跟隨林老師學習結構治療方法。

         結構治療不單只是一種治療方法，佢亦都係一種對生命運作嘅認知，以及疾病診斷嘅方法。結構治療嘅系統入邊認為人係由一個完整一體嘅立體結構網絡組成，以骨架為支撐，所有身體嘅其他組織包括皮肤、肌肉、筋膜都透過呢一個網絡連結埋一齊，形成一個穩定而平衡嘅系統。

        身體任何一個地方嘅結構出現異常，身體就會透過呢一個網絡去平衡，使身體仍然可以處於正常運作嘅狀態，但係代償係有限額嘅，原來的問題若果得不到解除，終究會出現各種嘅問題。

       就以傷科為例，一個人腰痛嘅出現，好可能係因為扭傷踝關節 (拗柴) 代償而來，所以結構治療認為，要處理一個疾病必須要搵到真正問題嘅根源作出處理。因而結構治療係一個包含診斷，以及治療嘅完整系統。

 

2 結構治療如何操作？

 

         正如剛才所講，結構治療非常注重診斷，病人來到之後，我們會先對病人作一個全身性嘅系統檢查，以判斷病人問題嘅真正根源所在。結構治療系統將人基本分為三個軸線，包括縱軸、橫軸，還有前後軸，我哋診斷就係依住呢三個軸線為本，作進一步嘅根源追尋。

 

          當搵到問題來完之後，醫師便會逐層逐層去處理問題，一般會將整個結構分為皮、筋、骨三層，用老師設計嘅輕柔手法，對呢啲有問題嘅結構進行還原。過程需要病人嘅配合要盡量放鬆，病人越能放得鬆，還原結構就越容易。這一點同傳統嘅手法有不同，以前我做傷科手法時,一般病人有機會因為恐懼啪骨，當醫師叫放鬆時準備施行手法時，佢哋反而崩得更緊，禁就有機會完成不了手法。但係結構治療嘅手法就相對柔和得多，通常病人只需腰配合醫師擺出各種嘅姿勢，但唔會感覺到一啲肌肉嘅壓力或者疼痛，舒舒服服就完成治療。

 

3. 結構治療可以治什麼病？

 

          結構治療嘅系統可以治療嘅疾病非常之廣泛，以傷科來講，除非筋斷咗或者係骨斷咗，其他嘅筋骨痛症問題都可以利用結構治療嘅方法治療，包括常見嘅肩頸痛，網球肘，坐骨神經痛，膝痛，拗柴。由於結構治療非常重視追尋問題嘅根源，所以對於一啲反覆治療唔好嘅筋骨痛症，往往有意想不到嘅效果。

 

        除咗筋骨嘅問題之外，好多內科嘅問題都可以用結構治療嘅方法治療。因為身體嘅內臟一樣係包裹喺呢一個立體結構網絡裏邊。我哋知道好似大腸、胃、子宮等等問題，外邊都覆蓋住一層筋膜，呢一啲筋膜都會受到骨格或者肌肉嘅結構異常而產生各種嘅反應。例如盆骨歪左，裏面嘅肌肉筋膜、會對子宮或者卵巢造成不正常嘅牽拉，會引起子宮唔正常嘅扭旋，長久就會引起一啲月經痛或者子宮肌瘤等等嘅婦科問題。

 

         同樣地心臟或者為胃亦都有機會係因為肋骨嘅不對位，裏面嘅筋膜對心臟或胃產生經常嘅刺激，引起一啲慢性胃炎或者係心慌心跳嘅症狀，呢一啲都可以透過調整身體結構去解決。所以我哋做過簡單統計，除咗傷科痛症之外，我處理得最多嘅其實係婦科問題，例如月經嘅唔正常、經痛、子宮肌瘤等等，結構治療都有明顯嘅幫助。

另外，有些疾病，好似急性复視，視力變差，頭痛，頭暈等，只要經診斷後，確認都為筋膜系統出現了問题，都可以用結構治療嘅方法解決，所以話結構治療嘅適應性可以係非常之廣泛。

 

4. 結構治療除左手法，有冇針灸？

 

         結構治療係有一些獨特嘅針灸方法。最常用嘅方法就係解除一啲筋膜之間粘連嘅針法。呢一種嘅針法通常唔會留針，而且會用比一般臨床使用嘅針灸針更幼細嘅針，針對一啲粘連進行一層層嘅剝離，當粘連解決之後就會出針，再找另一個粘連點作處理。通常都係靠醫師對手去判斷需要解決嘅問題喺邊度，而不是使用傳統嘅針灸穴位或者係類似激痛點咁樣響局部嘅肌肉上面固定的點作處理。一般來講針灸同手法係會相互配合一齊處理問題。局部粘連解開使得做手法嘅時候筋膜之間嘅滑動會更加流暢，結構會更加容易還原。對於一啲怕針嘅人，我哋都可以使用一啲工具好似拔罐刮痧板，去處理有啲筋膜切緊捏嘅問題。

 

5. 骨傷科咁多門派，咁點解你會選依家呢一套手法嚟救人？呢套手法有啲乜嘢特別之處？

 

        其實我一開始也是在大學裏學習傳統骨傷科手法，而且跟我幾位好老師，也進步很快，但我亦很快發現，這種手法很快就到達一個不能再進步的位置，就是治的好的非常好，但治不好的，也就治不好了，找不到原因，翻查各種記載手法的書籍也解決唔到我的疑惑。

         到後來偶然嘅機會跟隨左結構治療法創始人林兩傳老師學習，就瞬間被這個診療方法深深吸引。因為佢唔單只係一種治療手法，而係對於一個人嘅身體結構及生病的因由，有一種既與傳統對筋骨病、以致其他身體毛病有所不同，但又實實在在可以觀察得到的認知方式。通過呢個系統，我哋有方法去對一啲疾病進行解釋而且作出相對應嘅治療，關鍵在於醫生能夠診斷到都幾多嘢，老師嘅說話：「你越看得清楚，你就越能夠解決問題。」的確跟隨老師學習，發覺自己一段時間就會有所進步，對身體結構的認識就會增加，療效亦會更好，這一種可以持續進步嘅學習係最吸引我的。