胃氣脹唔舒服，急性的可能只係食咗唔乾淨嘅食物，或者食滯咗，處理起上來比較簡單，好多時食下腸胃藥好返。但係有啲人經常都會有胃脹胃痛，反反覆覆，稍為食多啲，食得唔啱，壓力大左啲就會開始脹住、頂住、可能有氣「噯」會舒服些，但有時頂到瞓唔着都真係幾煩擾。

        中醫認為「胃氣」向下降為順，唔降或逆向上行就會出現胃脹胃頂唔舒服。引起胃氣不降原因有很多，熱氣、虛寒、陰傷、痰濁、濕重、瘀血、肝郁、慢性食滯、脾胃虛弱。俗語「病從口入」，除咗肺，胃第二個身體直接與外界接觸嘅器官，所以你嘅飲食習慣不良，好容易會造胃的超負荷，例如過多食辣或煎炸食物，飲太多凍嘢。另外消化道內壁有大量嘅神經細胞，所以情緒亦都會對胃腸有直接嘅影响，心情唔好茶飯不思就係呢個原因。因而慢性胃病病因病機一般較為複雜，就好似寒熱夾雜，痰瘀互結，需要仔細診斷，至可以針對用藥。

       中藥可標本結合地治療胃氣脹，根據醫師嘅診斷，針對胃氣脹原因用藥，或以清熱解毒、或以溫中驅寒，或以燥濕化痰，配上可以降胃氣如枳壳、木香等，雙管齊下。亦可以配合針灸疏通氣機、刺絡放血活血化瘀。

 

特殊情況：

另外有一些非常頑固嘅胃病，長期反覆唔好，有可能係因為身體結構紊亂，好似肋骨嘅移位，胸椎嘅不對位等，造成局部筋膜緊張，拉扯胃組織引起慢性胃病。這類病人若然使用                    調整，解除區部拉力，有時無需使用藥物，也能夠完全治癒。

​

如果你有慢性嘅胃氣脹，你可以先試下改變以下幾種習慣：
1、注意均衡飲食，不要過食某一類食物，如辛辣煎炸。
2、食飯嘅速度要放慢，狼吞虎嚥會增加胃嘅負擔
3、唔好食太飽，最佳係7分飽
4、食飯嘅時候唔好飲咁多飲品，包括湯，最好飯前或飯後1小時再飲。

​

如果都係改善唔到，歡迎尋找我們的醫師協助，作出合適嘅治療。